Paano magbilang ng mga tala

Kulimlim ang kalangitan.
Tila nagbabantang
maluha ang kalangitan.
Wala ni isang tala
sa langit ang sumisilay,
pero kahit na nga ba ganoon
ay alam mong
nariyan lamang sila.
Madami,
kumikislap sa langit
kapag maaliwalas
ang panahon
at nagtatago sa ulap
kapag mga ganitong panahon.
At kung paano magbilang ng mga tala,
Parang pagbilang ng luha
Hindi mo magagawa.